Joshua 9
Gibeon-te’ Khemna
1Jordan nitumna lama om - mualtung khua-a omte, nitumna lam mualbula omte, Lebanon dunga Tuipi Lian ▼▼9.1 Tua pen Mediterranean
dunga om (Hit-te, Amor-te, Canaan-te, Periz-te, Hiv-te le Jebus-te’ kumpite) - kumpi khempeuh in hihte a zak uh ciangin - 2Joshua le Israel do dingin a kisutuah uh hi. b 3 Ahi hangin Gibeon mite in Jericho le Ai tunga Joshua hihsate a zak uh ciangin 4amaute in khembawl sawm uh a: Amaute taangmi-a pai kineihin, a laate uh ippi paatsa, a kitamsa a kithuap savun-um luite a suan ▼▼9.4 Hebrew khutgelh khempeuh; Hebrew khutgelh pawlkhat, Vulgate le Syriac (Septuagint zong en in) ah amaute in a la-an ding uh kigingkhol uh a a laate uh a suan uh hi.
uh hi. 5A mite in khedap kithuapsa bulhin puan siasa a silh uh hi. A lam-an dingun a puak uh anlum khempeuh keu-in a ap hi. 6Tua ciangin amaute Gilgal-a giahphuala Joshua kiangah pai uh a, amah le Israel tungah, “Kote no tawh thuciam bawl dingin gamlapi gam panin kong pai uh hi,” a ci uh hi. d 7 Israel mite in Hiv-te kiangah, “Ko kim nai-a teng hingel nuteh. Bangci a no tawh thuciamna bawl thei ding i hi hiam?” a ci uh hi. e 8 Amaute in Joshua kiangah, “Na nasemte ka hi uh hi,” a ci uh hi. Ahi hangin Joshua in, “No kua hi a, koi pana hong pai na hi uh hiam?” ci-in a dong hi. 9 Amaute in: “TOPA note Pasian minliatna hangin na nasemte a gamla mahmah gam pana hong pai ka hi uh hi. Ahang in, ama thu hong kigenna: Egypt a bawlna khempeuh, 10le Jordan nisuahna lama Amor-te’ kumpi nihte - Heshbon kumpipa Sihon le Ashtaroth a kumpi sem Bashan kumpipa Og-te tunga a sepsate ka za khin uh hi. 11Tua hi-a ka upate uh le ko gama tengte khempeuh in, ‘Na lam-an ding uh guang unla; va pai-in va kimu-in, “Kote na nasem ka hi uh hi; ko tawh thuciamna bawl ni,” va ci un,’ hong ci uh hi. 12No kiangah hong zin dingin ka inn panun kong din khiat-ua ka tun lai-un hih anlumte lum lai hi. Ahi zongin tu’n en dih ve-ua keu bikbekin apkai khin hi. 13Hih savun-umte ka dip tungun a thak hi a, en dih ve-ua tun kikek keii ta hi lo maw! Tuateh ka puan uh le ka khedapte uh zong khual gamla lua ta ahi manin paat gawp ta hi,” ci-in a dawng uh hi. f 14 Israel mite in a an puakte vel uh a TOPA a dong kha kei uh hi. 15Tua ciangin Joshua in amaute a hin khawi nading kilemna thuciam bawlin mihonpite makaite tawh kiciamna a kipsak hi. 16 Amaute in Gibeon-te tawh thuciamna a bawl khit uh ni thum ciangin Israel-te in amaute a vengte uh hi-a, amau kianga teng ahilam a za uh hi. 17Tua ciangin Israel-te kuankhia uh a, a ni thumna ni-in a khuapite uh: Gibeon, Kephirah, Beeroth le Kiriath Jearim a tung uh hi. 18Ahi hangin amaute le mihonpi makaite TOPA, Israel’ Pasian in tomlo-a kiciam khin uh ahi manin Israel-te in a sim kei uh hi. g A makaite uh tungah mihon buppi phun uh a, 19ahi hangin makaite khempeuh in, “Eite in TOPA, Israel’ Pasian a i kiciamna amaute i pia khin hi; tu-in amaute i sukha thei kei ding hi. 20Amaute tungah hici hih ni: Amaute tunga i kiciamnasa palsat loin ei tungah thangpaihna hong tun loh nadingin amaute nungtasak ni,” a ci uh hi. 21Amaute in, “Amaute nungtasak ni in ahi zongin i mi buppi singtom le tui tawi-in zang ni,” a ci lai uh hi. Tua bangin amaute tunga makaite thuciamna a kip hi. 22 Tua ciangin Joshua in Gibeon-te sama, “Bang hangin ko kianga teng hi napi, ‘No kiang pan gamlapi ah ka teng uh hi,’ ci-in hong khem na hi uh hiam? 23Note tu-in hamsiatna thuak na hi uh a: Ka Pasian inn adingin sing puak le tui tawi na tawlnga ngei kei ding uh hi,” a ci hi. h 24 Amaute in Joshua tungah, “TOPA note Pasian in ama nasem Moses tungah gam buppi nang hong pia-in a tengsa mi khempeuh na mai panin a nawhkhiat nading thu a piakna ko na nasemte tungah siangtakin hong kigen hi. Tua hi a nong thah khak ding ka lau manun hih bangin ka hih uh hi. 25Tu-in kote nangma khut sunga om ka hi uh hi. Nang adingin amaan le ahoih peuhpeuh ko tungah hong hih ta in,” ci-in a dawng uh hi. i 26 Tuaci-in Joshua in Israel-te panin amaute honkhia-a, a that kei uh hi. 27Tua ni-in amah in mihonpite ading le TOPA in a teel nading muna TOPA biakna-tau ading singtom ding le tui tawi ding a suaksak hi. Amaute in tuni dong tua na a sem uh hi. j
Copyright information for
ZomZIV